ماڭگى جاسىل قاراعايلار مەن اق قايىڭدار كومكەرگەن ادەمى الەم نەبىر قىزىقتى شارالارمەن بۋىرقانىپ تۇر. سونى جاڭالىق تا بار. ەل قۇلاعىن ەلەڭ ەتكىزەتىن توسىن دۇنيە «قازاقستاندىق لاپلانديا». سيقىرلى الەمىمەن سۇقتاندىراتىن وزگەشە ءوڭدى ەرتەگىلەر الەمى ششۋچە كولىنىڭ جاعاسىندا ورنالاسقان. وسىنداعى سانتا-كلاۋستىڭ رەزيدەنتسياسىندا مۇز ايدىنىندا كونكي تەۋىپ, بۇعى جانە يت جەككەن شانالارمەن قىردان قۇلديلاپ, اققان جۇلدىزداي زىمىراپ كىرشىكسىز اق قاردىڭ ۇستىندە سىرعاناي الاسىڭ. سونداي-اق سانتا-كلاۋسپەن, ەلفتارمەن جانە وزگە دە ەرتەگى كەيىپكەرلەرىمەن كەزدەسىپ, سۋرەتكە تۇسۋگە بولادى.
سوڭعى كەزدەرى «قازاقستاندىق لاپلانديا» بالالارمەن بىرگە ەرەسەكتەردىڭ دە سۇيىكتى مەكەنىنە اينالىپ وتىر. مۇندا جىل سايىن مىڭداعان ادام كەلىپ, كوڭىل كوتەرىپ قايتادى. قازاقستاننىڭ ءار وڭىرىندە تۇراتىن بالالار سانتا-كلاۋسقا قىس بويى حات جازا الادى. ولارعا مىندەتتى تۇردە جاۋاپ جازىلاتىنى ايتىلىپ جاتىر.
ماۋسىمنىڭ اشىلۋىنا بۇل جولى دا وبلىستىڭ əر وڭىرىنەن جينالعان ەرەسەكتەر مەن بالدىرعاندار قاتىستى. شارانى ۇيىمداستىرۋشى «بۋراباي دامۋ» سەرىكتەستىگى كەلۋشىلەرگە قۇشاعىن ايقارا اشادى.
